過咗40歲先佗B都唔怕！
藝人鄭佩佩女兒、現年42歲嘅原子鏸去年下嫁摩洛哥男友Mehdi成為人妻，當時自言心急想生小朋友嘅佢，今日喺社交網公布喜訊，宣布懷孕三個幾月！
佢上載大肚相分享喜悅，佢以英文留言話要好好享受懷孕樂趣：「好開心上天喺呢個時候畀呢份禮物畀我，我依家懷孕14周，個肚感覺好似食飽咗咁脹，我依家好期待BB出世！」又笑言個肚食飽咁脹，急不及待想見到個肚快啲大，仲話依家終於有藉口食啲平時唔係好可以食嘅嘢，又可以喺港鐵坐關愛座添！
原子鏸接受東網訪問，透露一索得男，預產期為3月：「我哋男女都冇所謂，有得懷孕已經好開心。依家有少少唔舒服，會作嘔，比較攰。成日好想食嘢，有啲嘢特別想食，食完又會覺得唔舒服，最唔舒服係聞到肉味，唔可食太多肉。」佢話同老公知道懷孕時，忍口唔講，等到產檢一切正常先同父母講：「媽咪唔恨抱孫，但會為我興奮，相反爹哋好想抱孫！」原子鏸透露媽咪鄭佩佩身在美國，坦言感到失望未能陪伴佢度過懷孕時期。佢話等到疫情穩定會返去教瑜伽堂。
來源 source: http://hk.on.cc
|
鍾意就快D Share啦！
|
|
|
