吳若希和老公何兆鴻育有3歲女兒，現懷有第二胎金笸籮，母憑子貴的她已停工養胎，大肚大晒的吳若希，之前不滿老公掛住打機，在社交網公審老公嗌離婚，耍完一輪花槍；日前一家三口現身尖沙嘴，被讀者譚先生透過「爆相爆片」分享，直指吳若希疑有產前抑鬱，當街鬧爆老公。
讀者譚先生接受電話訪問表示，限聚令放寬至晚上9時的首個周日，約傍晚5時許在海港城見到吳若希一家三口：「當時腹大便便嘅吳若希拖住老公，非常恩愛，佢哋去到海運大廈見有小朋友攤位，囡囡好開心去咗玩遊戲，之後佢哋就諗今晚食啲乜嘢，吳若希表現得好積極，但係佢老公完全冇乜反應，見到老公唔幫手諗食乜，吳若希立即發火，當街指住老公嚟鬧。不過夫妻床頭打交床尾和，唔使10分鐘，佢兩個又變番糖黐豆，手拖手去入間小童服裝名店。」
從讀者提供的「爆相爆片」，見到吳若希一手叉腰，一邊手指指，似乎狀甚勞氣，而老公就乖乖聽老婆訓話，難怪可以火速氹回吳若希，一家三口繼續晒溫馨。當日所見，吳若希孭Hermes手袋襯Gucci平底鞋，打扮貴氣。而為迎接兒子出世，吳若希嫌位於元朗的2,000呎複式豪宅唔夠住，一家三口已搬到市區。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
