鹹濕未必有樣睇，不過可以透過其日常言行略知一二，有網民就話之前看過張敬軒x細So的《天才遊童2018-東京篇》，從細節可見蘇耀宗（細So）流露鹹濕性格。
在《東京篇-最終回之18禁大雕展翅》中，細So與張敬軒一起在房中執拾行李，細So指軒仔的行李箱有空餘位置，他說：「可以塞好多底褲」，軒仔反問：「我一日着一條點解要塞咁多條底褲？」原來塞的未必一定是自己的底褲，好似細So一樣，自己的底褲中可以再塞進別人的底褲。細So真的很留意底褲這東西，他對軒仔說：「我一路都唔見你有執過底褲。」
軒仔與細So完成東京拍攝，在片末談到下次可以去哪兒再拍，細So賤格改軒仔《櫻花樹下》的歌詞回應，並唱出：「下次梗係去『泰國捐精』！」原有歌詞為「太過堅貞」。軒仔與細So在《櫻花樹下十週年特別版》中再合作彈唱該句有味歌詞，二人表示這樣就認識10年，細So笑說：「明日花（AV女優）個AV都好似做咗10年。」在《東京篇-驚青搵食團の人妻飯局》中，細So走進人妻廚房，做出意淫蹺起屁股動作，並問軒仔：「呢個角度好多『日劇』都見過，你有冇睇過？」張敬軒意會其意思是「日本AV」，軒仔說：「你睇嗰啲日劇睇得太多。」
事有湊巧，細So在傳給二奶阿B的照片中，有做出心形手勢示愛，在《東京篇-驚青搵食團の女僕Cafe》中，二人參觀女僕cafe，細So讚女僕可愛的同時，細So與女僕同樣做出相同「心心」手勢影相，細So並說：「我（另一）隻手唔知擺邊好。」軒仔在節目中代入為細So太太，指女僕比她漂亮，會感到妒忌，細So隨即反駁說：「你想我死呀！我老婆靚啲！」做節目也不忘建立好男人形象，可惜今次一鋪清袋。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
