2020年9月4日星期五

【宣布婚訊】獲馬詩慧支持王曼喜與女友共諧連理 #王敏德大女 #王曼喜 #馬詩慧大女

【宣布婚訊】獲馬詩慧支持王曼喜與女友共諧連理

王曼喜與女友Elaine Chen昨晚大晒手拖手溫馨親吻合照，宣布共諧連理，獲馬詩慧留言支持。

王敏德(Michael Wong)及馬詩慧(Janet Ma) 育有2女1子，大女王曼喜（Kayla）與女友Elaine Chen出雙入對，愛得火熱，Elaine早已融入王家，日前馬詩慧生日，馬詩慧攬住Kayla及「半邊女」Elaine合照。昨晚Kayla透過社交平台宣布，將與拍拖多時嘅女友Elaine共諧連理，展開同性婚姻生活。兩人又貼出戴上戒指喺無名指嘅溫馨親吻合照，留言：「you and me until the end of time.（你跟我直至時間終結。）」Elaine就情深回話：「Forever yours. Officially.（永遠屬於你。）」細妹王麗嘉（Irisa）亦都忍唔住即刻轉發，而媽咪Janet見個女搵到幸福，都有即時恭賀，祝福佢哋永遠幸福，最緊要係佢哋兩個都開心快樂，還表示兩人稍後在外地正式註冊。

2014年Kayla正式向外宣佈出櫃公開性向，經過6年時間，Janet由最初極力反對變成接受，一家人相處融洽。