「美國隊長」變色狼隊長？ 被揭公然非禮「紅女巫」兼明嗒人妻
時不時摸下人哋又大講鹹濕笑話……好玩得還是另有所圖？
雖然美國隊長喺電影度正氣澟然，深情專一。不過電影還電影，喺現實世界入面，基斯伊雲斯只係一個冇辦法控制自己慾望嘅抽水怪魔？
早喺之前，有網民發現基斯伊雲斯已經睇中左飾演紅女巫嘅伊莉莎伯奧遜，佢一直喺度望實伊莉莎伯嘅心口，幾乎連口水都流埋出嚟。唔單止係咁，仲伸出咸豬手，差啲摸埋上個胸度，兼夾笑到四萬咁口。
之後兩個人仲一齊上清淡節目《The Ellen Show》，一路訪問嘅時候男方經常借啲意擺借手喺女仔嘅大脾上面。
仲有佢仲借宣傳為名，喺伊莉莎伯身邊大跳熱舞，係咁用屎忽黐上去人地度。人地好驚恐咁不停推開佢，仲要係咁Say No，但基斯伊雲斯仲要死黐住，連條裙都扯到差啲掀起埋。
而最離譜嘅就係，喺個節目入面有個整蠱環節，基斯伊雲斯匿喺廁所入面嚇伊莉莎伯，佢仲衝埋上去女仔度，佢下體仲黐到伊莉莎伯實一實，仲將人地逼到埋牆角，搞到佢郁到郁唔到。
基斯伊雲斯又不時喺訪問度講不當笑話性騷擾女性，甚至仲大發歧視女性嘅言論。有一次佢同「鷹眼」謝洛美宣傳，謝洛美先話「she's a slut」（佢係一個蕩婦)。然後基斯伊雲斯就即刻覆話「 She's a complete whore.（佢根本就係一個妓女)。兩人講完之後仲笑到收唔到聲，完全當人冇到。其實佢地係笑緊黑寡婦，即係間接話埋施嘉莉祖安遜。咁之後佢兩個當然畀人插到飛起，兩個第日即刻喺Twitter出 post 道歉。
仲有另一單就係，基斯伊雲斯同埋基斯咸士禾夫宣導新戲接受訪問，他竟然直接性騷擾女主持。因為女主持為左訪問而將指甲畫晒每個復仇者嘅標誌落去，這時他竟暗示話女主持用中指做「污糟嘢」，仲一直喺大笑。「雷神」喺隔離都制止唔到佢，喺度尷尬陪笑。
同埋就喺之前基斯伊雲斯拍《天賦的禮物》嘅時候，佢仲主動勾搭戲中飾演老師嘅女演員Jenny Slate，最後搞到人哋離埋婚。Jenny Slate前夫仲話基斯伊雲斯係「homewrecker」（家庭破壞者）。
喺2017年嘅時候，基斯伊雲斯為美國雜誌Details影相嗰陣都壓抑唔到佢嘅「欲望」，又對現場嘅女性工作人員出手，猴禽到連做緊嘢都唔理。
其實基斯伊雲斯一向聲名狼藉，之前先認左以前好鍾意吸大麻同曾經喺 IG po 埋同脫衣舞娘嘅合照。
如果鍾意美國隊長嘅朋友，繼續鍾意落去都係冇問題，因為我地只係鍾意個角色，而唔係個演員。
|
鍾意就快D Share啦！
|
|
|
