古天樂主演的《陰陽路》1997年上映第一集之後，在之後的短短6年，前後拍了19集，由菲林拍到數碼，是一項紀錄。而人稱「Sam哥」的梁成致自導自演的電影《極鬪》系列又有新作品，自從《極鬪1》在2016年1月上畫後，到今個星期上映的《極鬪8十字狙蹤》已去到第8集，有望挑戰《陰陽路》集數，而他的的電影風格因為偏向怪誕另類，道具又帶點甩頭甩骨，所以被推崇為近代cult界代表。
Sam哥今日接受《蘋果》訪問時，講到繼續拍落去的原因，他說︰「其實收支末平衡、因我最終目的首先要有人睇到我作品，有人欣賞到我作品後才可建立價值，建立價值後才可計劃如何收支平衡。因真的有人喜歡cult片，雖然cult片好多瑕疵，但也可以好有味道及可表達到制作者的熱誠。」講到戲中不止一次鬧「衰警察」，Sam哥強調是劇情需要，沒有其他動機︰「梗係冇啦，個對白賊鬧警察好正常。電影只想表達人口販子的邪惡及父女情」至於挑戰古天樂的紀錄，他笑言較難，因為大家相距還有11集，但會繼續創作下去，藉此挑戰自己。《極鬪8》今個星期六日，在九龍灣Mega Box上映4場。
有份主演《極鬪8》的吳堯堯（Yoyo）表示在戲中角色是一名被禁室培慾的女受害者：「今次呢集我唔多打戲，好多禁室培慾場面，又要狗兜食飯。」Yoyo指這集開工不多打戲，拍攝時不算辛苦，她說：「每個人界定辛苦都唔同，我啲戲份要瞓地下，又要扮喺狗兜食飯，我自己就唔介意嘅，但有啲女仔可能嫌瞓地下污糟。」Yoyo也不嫌角色要醜化，她認為演員要為角色犧牲：「演員好似泥膠咁，乜嘢造型都得，我本身又唔係靚女，所以我都唔介意。」
Sam哥過去8集，其中6集都有邀Yoyo演出，她續說：「同Sam哥合作好開心，佢份人好抵得諗，佢為咗件事，我哋budget唔多，大家合作只係為咗套戲好，有甩漏就會互相補位。」問到Yoyo拍片酬金可有5位數字？她答：「梗係冇，港產片本成本好低，咁片酬都夠我搭車食飯，Sam哥對我哋都好好。」Yoyo自爆愛看cult片：「cult片拍得出色係好睇㗎，不過我最鍾意睇嘅係卡通片同泰文電視劇，我放工返屋企就上網煲泰劇，你如果問我港劇興啲，我係唔識答你。」
《極鬪8》的故事講述飛虎隊出身的Sam哥，在行動中執行私刑被革走。跟前妻所生的女兒被人口販賣法分子擄走，他要在短時間內尋回女兒。甚有《救參96小時》（Taken）味道，Sam在片中有頭打到尾，重點是他全程戴住的太陽眼鏡。片中有近年電影喜用的航拍鏡，拳頭之外亦有少量枕頭場面，亦有多次「衰警察」字眼出現。因資金所限，但拍來極有心，Sam哥話過擔任主角的原因，一來請不起男主角，重要的是自己喜歡演戲。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
