2020年11月14日星期六

囡囡一句唔鍾意成功戒煙100日張頴康堅信不走回頭路 #張頴康

囡囡一句唔鍾意成功戒煙100日張頴康堅信不走回頭路

由前世情人出馬叫阿康戒煙，妻兒的力量也佔重要一環。

張穎康在社交網分享家庭照，透露成功戒煙100日，幕後功臣正是6歲的囡囡小豆。他留言指8月時被小豆拿出他放在背囊中電子煙的煙蛋，並問他是甚麼？當他表示是用來Relax的，小豆竟說：「我唔鍾意你吸煙呀！」這句說話就像一支針插入他的心，於是下定決心戒煙，更將所有電子煙的用具都交給太太麥雅緻。

阿康坦言戒煙頭20日非常辛苦，標冷汗之餘，又試過拍劇時連幾句對白都記不到，「以前戒傳統煙仔嘅時候，都冇呢個情況！咁點解我戒電子煙嘅時候會咁辛苦？即係話，一直以來我都唔知吸左（咗）啲乜嘢化學嘢入去身體裏面，到冇咗嘅時候，身體會出現咁嘅反應！所以我覺得好恐怖！」他希望大家正視電子煙的化學成份對身體的影響。

雖然戒煙並非易事，但太太叫女兒每日貼一張貼紙給戒煙中的爸爸，令阿康因為不想見到月曆的中大交叉而堅持下去，「就算Bell Bell（麥雅緻愛犬）離開嗰一日，我心情低落到爭啲想食返，不過好彩我諗起呢本簿，所以最後都冇食到！」他堅信自己不會走回頭路，更期待可以儲夠365張貼紙、即成功戒一年煙時，再向外界公布這個好消息。最後他補充說：「我好肯定小豆唔知我吸煙，一定係我老婆講俾（畀）佢聽！不過點都好啦，我老婆真係用心良苦！老婆，錫哂（晒）你！」