2020年11月20日星期五

【戰鬥格】走出情傷笑晒口　36E陳婉衡晒線食漢堡薯條 #陳婉衡

【戰鬥格】走出情傷笑晒口　36E陳婉衡晒線食漢堡薯條

Alycia回復單身後好開心。

現年30歲的陳婉衡（Alycia）今年7月初開心宣布撻着從事金融行業的健身學生王先生，未料公開戀情一個月後，因她於IG貼出二人「男上女下」健身片，令男友的大側面曝光，隨即惹來王先生不滿，Alycia只好急急刪片補鑊！卒之事隔3個月，Alycia便向傳媒承認這段「師生戀」已於10月底玩完，分手主因是對方佔有欲太強，難忍日日有異性冇人性的她只好決心斬纜。回復單身的Alycia立即「戰鬥格」出Po，雖然近日天氣轉冷，但昨晚她仍於IG貼出穿低胸小背心食漢堡包和薯條的清涼照，並寫道：「In a relationship.... With my burger and cheese fries. Because burgers don’t lie. #thesinglelife」咁講唔通曾經有人對佢講大話？不過見Alycia露晒纖腰、36E事業線，又笑到見牙唔見眼咁，相信都已經走出情傷了！