近年不少無綫出身的藝人都過檔邵氏，貪自由度大，就連無綫53周年台慶都有「免疫」可以不用出席。在紅星欠奉的台慶下，惟有以大堆頭充撐場面，包括《愛回家》群組、《姊妹淘》群組、《後生仔傾吓偈》群組、《娛樂大家》群組，但逾200藝人參與，無綫竟然不安排透明膠口罩，大家都以真面目示人，似乎有欠防疫意識，隨時變「中招」群組。
台慶其中一個表演環節，嘉賓即場煮食要大家即場食，但口水橫飛，難免令人擔心，邀請龔嘉欣和黃子恆進食時亦不敢推掉，但邀請到阿姐級時，阿姐停手，Do姐更即場拒絕：「而家呢個時勢唔好咁樣。」
今年競爭減少，昔日女星行紅地氈的爭妍鬥麗的艷光已大減一半，一線花旦李佳芯、黃翠如、唐詩詠、陳煒等齊齊收起性感，只有黃智雯穿黑色晚裝裙搶鏡，蔡思貝則騷腿展現另類型格美。反而一班90後小花更搏命，當中以江嘉敏的黑色tube dress谷胸上陣最性感，她說：「對我嚟講係一個大挑戰同新嘗試，我剛過生日，造型師話大咗1歲，所以喺造型可以大膽啲，不過第一次着咁低胸，有啲緊張。」至於有否做安全措拖？她說：「有呀，好多服裝姐姐幫我手，因為有啲重要物品冇戴到，搞到我好似缺乏啲安全感，不過我都信任佢哋，應該唔會走光。」簡淑兒、鄺潔楹、鄧卓殷就不約而同以雪白仙氣look，露胸現身。
已有半年沒有工開的「細龍太」陳偉琪突然「解凍」有機會在台慶表演豎琴，她說：「好多人問我係咪解凍，我都唔知呀，等公司安排啦。我今日開心，有機會表演豎琴，而呢個豎琴係我細個Daddy送畀我做嫁妝嘅，所以好珍貴。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
