男友照顧又搞餐飲又開美容院 林秀怡9個月冇劇拍餓唔死
林秀怡絕對是「疫」市奇蹟！雖然去年傳遭無線雪藏，但本身搞飲食的她於一個多月前，再投擲6位數於銅鑼灣開美容院，年中更多得導演男友Kevin借首期，讓她成功上車。秀怡也感恩男友支持，問是否以身相許報答對方？她笑說：「咁係咪唔使還錢？其實都有計畫結婚，希望儲多啲錢先。」但經歷母親身體不適後，她認為開心比金錢更重要。撰文：黎寶倫攝影：李維隆場地：Foodo
林秀怡去年疑就社會事件表態而傳遭無線雪藏，至近月才「復工」為節目《我要做業主》任主持，又於IG晒角色新造型照，對此她澄清：「公司話唔關事，純粹真係冇嘢做，可能角色唔啱，其實一般演員都經歷過幾個月冇工開嘅日子。以前會諗係咪自己啲戲做得差，所以冇人搵呢？而家睇淡咗心情就好啲。（諗過離巢？）冇諗，仲有好耐約。」對於在《婚姻合伙人》表現亮眼，正值上位卻忽然零產量，問會否覺得可惜？她笑道：「時也命也，睇到化晒。」
秀怡也坦言一向對事業沒甚野心，「都係用番自己舒適嘅方式去生活，以前覺得搵錢好緊要，到媽咪確診患癌後就覺得錢好唔重要，只要每日開心過生活就好。（但你搞好多生意喎！）咁啱有人搵我咪夾囉。」而停工9個月間，秀怡一直在經營的日式西餐廳做兼職，惟年初爆發新冠肺炎，政府一度實施禁晚市堂食令，致餐廳生意大跌7成，她直言：「晚市賺得3位數，好在晏晝Cover到，但冇賺囉。」本來打算開分店的她已擱置計畫，盼疫情盡快結束，回復正常生活。至於跟男友Kevin的婚期？秀怡稱目標是35歲前結婚，預計3、4年後。
來源 source: http://hd.stheadline.com
|
鍾意就快D Share啦！
|
|
|
