香港名導演許鞍華、杜琪峯和張艾嘉、卓韻芝等，昨晚在浸會大學出席「全球大學電影獎2020」頒獎禮，有來自不同國家大學競賽作品。許鞍華一直支持學生作品，樂意鼓勵新一代創作，但她謙虛表示無力幫助新人：「我幫唔起人，怕連累人，我工作唔係社工，人哋都唔使我啦，佢哋有自己選擇，戰場係自己打出嚟，我抱鼓勵態度。」疫情下，許鞍華坦言難搵投資者，暫時未有新作。她執導電影《第一爐香》預計明年才可推出：「我唔心急，老闆本來想金像獎之後上，點知冇，我都呆咗，但套戲冇時限再決定啦。」
卓韻芝自稱是影圈新人，希望多與新一代交流。近日她為ViuTV《全民造星III》擔任評審，阿芝呼冤：「對評判好唔公平呀！好多參賽者都值得比3盞燈，但剪出嚟就唔係咁，唔係太好囉，連日都收到好多朋友問我邊個入唔入到圍。」似暗示只要花姐鍾意才是皇道，問到阿芝會否向監製花姐反映？她笑說：「冇得反映，我唔知呀，我只可以講花姐係監製。」
對於有機會被指態度兒嬉？阿芝即說：「我唔理，我係評審，佢哋自己調校，唔理得啲導師咁多。」今次《全民造星III》有別於過往全男班參戰，未能專注看男生，她又表示今次水準比過往低，她甚有氣場表示：「有啲入咗行嘅真係想鬧醒佢哋，我有時會即場黑面，佢哋好似唔知唱歌有人聽緊咁，中段有啲參賽者情緒崩潰，祝佢哋好運。」
此外，李璧琦今次返回母校為活動做表演嘉賓，離開電視圈後主力唱歌及教聲樂。她今晚獻唱一曲《You never walk alone》，歌曲是她去年結婚時曾唱給老公聽，不過當時唱到一半已落淚，今晚老公有到場希望聆聽全首歌。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
