有份演出劇集《使徒行者3》的大台奀星謝可逸，日前被《蘋果》踢爆他背歌手女友謝文欣暗撻曾兩度離婚的醫美集團CEO方潔盈（Jathy），有指女方已經懷孕。他們的感情關係複雜，Jathy每次離婚都爭得子女撫養權兼向前夫索贍養費，所以失婚都生活富貴，事件開始發酵，網民熱烈討論，沉默了兩日的Jathy今早在FB發火反擊，她用千字文數臭前夫T先生，聲稱一齊時曾被家暴，同時也半開名拉女藝人「戴夢X」落水，力斥她與前夫有曖昧關係，不過貼文不夠1小時，Jathy又改以「戴XX」揞名爆。翻看其醫美中心過去活動舊照，戴夢夢曾現身撐場。
Jathy的FB過去一直不公開，但今早忽然貼出一個「地球post」任人睇，這是一封給前夫T先生的公開信，指自己懷孕4個月時，有人將熱湯倒在她的身上，發洩情緒，「我當時大住肚，可以點樣？只可以默默啞忍。」她又鬧爆前夫未盡過做父親責任：「生完個女，我最唔開心嘅係，你每逢假日周末都話唔想陪佢，淨係想同我一齊二人世界，你有冇諗過作為媽咪，要次次假日出門口，放低個女，等佢自己喺屋企喊，交畀工人湊，我係有幾心痛，幾難受。你一定唔會知嗰種感受，因為你冇良心，呢幾年，連個女一眼都無望過。」
最爆是Jathy暗指跟T先生離婚前，男方先出軌：「同你離婚前，我對你嘅所作所為忍無可忍，因為你當時同『戴夢X』曖昧，喺WhatsApp講晒『I love you』、『Don’t leave me』，又畀我發現，見戴小姐病，送藥送到上人哋何文田屋企，當時我決心唔想再同你一齊，搵屋搬咗去中環，同你分居，後期先識咗第二任先生，知道同你都冇可能，所以同你離婚，其實你知唔知點解我當時會同佢一齊？係因為人哋終於肯同我同個女星期日『家庭樂』呀，而你呢？我只係想一家人齊齊整整出街，我有同你先分居，後離婚。我幾時有畀綠帽你戴？」
對於Jathy點名斥「戴夢X」介入婚姻，矛頭疑直指戴夢夢，Jathy與首任醫生老公湯愷廸2015年離婚，同年戴夢夢已跟太極樂隊鼓手朱翰博（Ricky）拍拖，戴夢夢今日短訊回覆《蘋果》否認一切：「嘩，呢件事點解會發酵到我身上，我必須澄清從冇介入過湯醫生同方小姐婚姻，湯醫生只係我全家嘅家庭醫生，我哋僅係醫生同病人關係，我冇八卦過人哋家事，希望有人唔好拉我落水，我對佢哋家事完全冇嘢回應。」Jathy首任醫生老公湯愷廸今日也短訊回覆《蘋果》：「就網上不實的發文，不會作出回應，希望方小姐不要再利用家人宣傳。對於所有誹謗言論會保留法律追究權利，事件已交由律師處理。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
