結婚一周年「夫妻檔」再影婚照 Jessica＠SG獲贈洗碗機好開心
女子組合Super Girls成員蔡明思（Jessica）去年底跟拍拖6年的圈外男友Steven結婚，適逢結婚一周年，去年為二人操刀婚紗相的婚禮公司，再邀請他們「夫妻檔」擔任代言人拍攝婚紗廣告，Jessica直言好開心︰「喺結婚一周年當日去影相，感謝客戶邀請，可以順道慶祝一周年，而且好多人見到我着婚紗影相都恭喜我，當我係新婚，自己好似上年Keep住被人祝福到今年。」
由於疫情關係要留港拍攝，雖然未能如去年一樣到日本取景，但整個過程Jessica和老公都表現興奮，還自稱是「大鄉里」，她說︰「我唔知香港有咁多咁靚嘅地方，老公非常開心，因為佢好鍾意行山，去一啲未去過地方，好似去咗大欖涌、南生圍、錦田紅磚屋拍攝，對我哋嚟講好新鮮。」Jessica更以「震撼」來形容大欖涌的景色，她笑說︰「呢度靚到我覺得有啲震撼，好似去咗外國。上年去日本影結婚相同今次都係同一班拍攝團隊，大家見到咁靚嘅景，都話唔洗去日本影，去呢到就可以。」
為了今次拍攝，Jessica事前也不停做運動修身，但她爆肥了不少的老公偷懶︰「因為疫情大家唔可以成日外出，加上我近排經常拍攝煮食節目，成日搵老公試食，呢段時間佢都肥咗好多，我話我要減肥叫埋老公一齊減，但佢唔係好跟我去做運動，反而係臨急抱佛腳，拍攝前一日同我講唔食晚飯，不過減一日應該唔會有好大差別。」至於結婚周年禮物，Jessica並不是要老公送手袋鑽飾，反而是叫老公送洗碗機，她笑道︰「之前我同佢講咗好多次，但佢一直唔買，因為佢覺得唔係人手洗唔乾淨，有一次Yanny特登喺我老公面前大讚部洗碗機有幾好，比人手洗更乾淨，我老公聽完後就去買畀我，我都好鍾意呢份禮物，好開心，因為唔怕有『主婦手』。」
來源 source: http://hd.stheadline.com
|
鍾意就快D Share啦！
|
|
|
