在疫情陰霾之下，香港人失去了很多，連在現場睇喜愛的歌手演出的機會都被奪去。今年好多歌手們改以直播方式online演唱，早前梁詠琪、周柏豪就試過做錄播演唱會，雖然依舊沒有現場觀眾，但舞台效果良好，算是對喜歡睇騷的觀眾一點慰藉。
今次就輪到RubberBand壓軸舉行錄播音樂會，繼續由森美擔任主持。RubberBand今年都受到疫情影響工作，但亦有把握時間完成新專輯，原本年初開的演唱會已經取消，將於下月舉行新碟發佈會，但都要改形式轉為網上舉行，不過RubberBand仍然希望疫情會好轉，到時可以安排觀眾入場睇表演。
他們又說若果疫症完全消失，天馬行空希望有日可以在鬧市開音樂會：「例如尖沙咀鐘樓、皇后像廣場、甚至維園或者九龍公園，但大家呢大半年一直要堅守社交距離，人同人之間少咗親近，希望到時其他歌手或者組合，都有同樣諗法。」
另外，主音6號說一直有留意到這次的表演場地，現時達成心願可以在這裏開騷。3次音樂會都是為香港人打氣及為建造業工人籌款，原來6號爸爸亦都是建築工人，早就見過爸爸日曬雨淋開工，有時又要深入地底工作，他說感謝工人的付出。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
