屋企過一樣開心。
今日係平安夜，雖然因為疫情關係，大家唔能夠開派對歡聚一下，但靜靜哋同另一半溫馨咁過，一樣過得開心！楊茜堯今日同老公羅子溢玩自拍，見佢開頭一個人好陶醉咁玩聖誕自拍，之後老公突然亂入，閃爆網友眼球！
而佢哋因為要開工冇得同最愛嘅囡囡一齊過聖誕，心情難免有啲低落，好彩屋企人都有拍片影低囡囡嘅開心樣畀佢哋睇，見囡囡一邊食住手指一邊大笑，個樣開心到爆，相信佢哋兩公婆咁辛苦搵錢，睇完條片個心都會融晒，幾辛苦都係值得嘅。
另邊廂，黃翠如同老公蕭正楠實行大玩環保，她指將媽咪擺喺雜物房嘅聖誕樹托番屋企布置，仲開心到喺聖誕樹前跳舞：「今年的聖誕樹，是媽媽放在家裏雜物房幾年也不再用的，我們兩人把樹搬回家，布置起來，你就跟我們一起過聖誕節吧！」
來源 source: http://hk.on.cc
|
鍾意就快D Share啦！
|
|
|
