真係好感人，搞到小編都眼濕濕。
無綫劇集《香港愛情故事》尋晚播出大結局，劇中多對男女最後都有美滿又溫馨結局，當中羅天宇、龔嘉欣之前因為買樓而死慳死抵，最後樓又買唔成，連訂金都蝕埋，兩人因此吵大鑊，男方搬返公屋，陷入離婚邊緣，最後龔嘉欣難忍掛念之情，買外賣冧老公而成功團圓。最後兩人於海傍講出心底話，關係和好如初。
前晚TVB都安排一眾演員於網上同觀眾一齊睇大結局，其中王敏奕同龔嘉欣都睇到眼濕濕，要用手拭淚。
而最驚喜嘅係龔嘉欣哭崩於羅天宇懷中嘅刪減片段曝光，劇情講述，2人從地產公司行出來，女方悲傷行喺前面，男方緊隨其後，一名擺街站嘅地產經紀卻前來指70萬可以做業主。羅天宇最後抱住欲哭無淚嘅龔嘉欣，睇完都覺得感受到2人嘅哀傷。播完後，有人指片段從未做後期製作，係原汁原味，龔嘉欣睇完都話感覺凄美。
來源 source: http://hk.on.cc
|
鍾意就快D Share啦！
|
|
|
