藝人洪天明早前北上工作，同老婆周家蔚以及2個仔仔分隔兩地，只係靠講電話同視像聯繫感情，真係咪話唔辛苦！趁住農曆新年前夕，佢終於返嚟香港一家團聚，今日佢喺社交網自爆8個月冇返香港，呢日喺屋企戴定口罩，做好抗疫措施，等仔仔出現，打算畀個驚喜佢哋！
唔知大仔洪大仁係咪太耐冇見爸爸，一開始唔相信眼前嘅事實，竟然問：「Is it real？（真的嗎？）」隨即洪天明除低口罩話係自己，洪大仁即飛撲埋去攬住爸爸爆喊，睇嚟真係好掛住爸爸！不過相對地細仔洪竟琋就好冷靜咁，好似完全唔知發生咩事！
呢個咁溫馨嘅場面，有唔少網友錯重點，指佢位於大埔比華利山超過2千呎嘅獨立屋曝光，除咗見樓底夠晒高外，客廳亦非常闊落，足夠2個仔仔跳嚟跳去，空間感十足，但亦有網友指父子團聚呢幕實在太感人，自己忍唔住喊埋一份！
來源 source: http://hk.on.cc
|
鍾意就快D Share啦！
|
|
|
