兩大殿堂級影帝梁朝偉（偉仔）與劉德華（劉華），繼〇三年《無間道III終極無間》後，相隔十八年再度合作，拍攝英皇投資三億五千萬元鉅製、莊文強導演、以七、八十年代為背景的反貪題材新片《金手指》。
早前，兩人在記者會上，儘管客客氣氣、互笠高帽；不過，有傳兩人自無綫「五虎將」年代已爆不和，直至年前合作《無間道》時，又傳互搶風頭，難怪再次合作，萬眾矚目。日前，本刊發現，偉仔現身金鐘一個商場；期間，他行不安、坐不樂，疑似全神貫注研究新角色，想方法演贏劉華這個強勁對手，相信今次真是有好戲睇喇！
兩大殿堂級影帝偉仔與劉華，繼《無間道III》後，相隔十八年再度合作電影《金手指》，被譽為萬眾矚目之作。
兩人未鬥戲之前，於電影發佈會上先鬥高度，偉仔穿厚底波鞋，而劉華則穿加厚底皮鞋，憑肉眼所見，劉華稍高幾厘米。
爭演反派
兩大影帝梁朝偉（偉仔）和劉德華（劉華），繼〇三年的《無間道III終極無間》後，相隔十八年再度合作，拍攝新片《金手指》，旋即成為城中熱話。發佈會上，偉仔笑言感覺親切，跟劉華由電視合作到電影，經過多次合作，已有默契，相信今次會跟以前一樣，好好玩、好期待。而劉華則表示，當看完劇本時，已覺得對手應該是梁朝偉，別無他選。偉仔又向劉華大送高帽：「我一直好佩服華仔，佢工作好用心，我一直有睇華仔嘅戲，覺得佢好有熱誠，由第一次合作劇集《獵鷹》開始，佢一直都冇變。」而劉華亦客氣示好：「我都有留意大家嘅作品，我反而想跟偉仔學滑水，拍完戲有機會約個時間。」
據知，兩人戲中角色就似《無間道》調轉版，偉仔與劉華之間，有場正邪之戰。有指電影開拍前，兩人都爭做反派角色，最終由導演一錘定音，由偉仔演出「亦正亦邪」的奸角。在正式埋位開工前，本刊就發現偉仔於金鐘一個商場現身。當日約下午五時，他打扮隨便低調，於商場內閒逛。現場所見，於店外櫥窗停留window shopping的他，經常望着玻璃發呆，全程心不在焉，似在沉思到出神。沿路上，戴着口罩的偉仔，未被途人認出；而漫無目地「行吓睇吓」的他，於商場流連約半小後，再轉往扶手電梯落停車場，然後取車離開。不過，他坐上司機位後，並未即時開車，更似心事重重，望向倒後鏡，皺眉苦惱，疑似為研究如何演好新戲角色，而大傷腦筋，費煞思量。
九一年，由曾志偉擔任導演，出面撮合「五虎」合作電影《五虎將之決裂》，可惜之後偉仔已罕見再跟「四虎」同場。
九十年代初期，劉華與偉仔曾合作《反斗馬騮》、《中環英雄》等電影，票房不濟之餘，兩人亦未因合作而變成深交。
|
鍾意就快D Share啦！
|
|
|
