藝人金燕玲日前宣布自己不幸患上乳癌，身為密友嘅蘇施黃一定最擔心！不過佢哋一早已打造安樂窩，住得好，心情都靚啲，人都健康啲。蘇施黃同金燕玲喺2013年搬到清水灣嘅老牌大宅，面積達2,500呎，雙大廳連雙露台，雖然樓齡已經40年，但間隔非常見使。
蘇施黃一直住喺跑馬地，但因佢有類風濕關節炎，加上金燕玲鍾意清水灣環境清幽，適合養病，再加上租金比舊居平好多，所以搬往該址。睇番蘇施黃個人短片頻道，片中見單係客廳已有800呎，佢哋咁鍾意熱鬧，隨時招呼好友都得啦，大美人關之琳就成日嚟作客。而雙露台外望園林同山景，非常開揚，養生養心最啱！
蘇施黃最鍾意煮嘢食，日前佢入手全座式焗爐，令佢超巨廚房曝光，見佢廚房所有配套整備，真係煮九大簋都得！
來源 source: http://hk.on.cc
|
鍾意就快D Share啦！
|
|
|
