藝人馬浚偉與黎瑞恩（小恩子）出席舞台劇《男人40 CEO》記者會，對於該劇因疫情關係，由去年9月延至今年6月終於可以公演感高興，更指門票是日公開發售反應理想，不過亦未封蝕本門。
談到劇中二人有感情線，還有咀戲，馬浚偉對此大賣關子：「到時會係掂到同唔掂到之間，始終係喜劇，唔會去到脷疊脷。」小恩子聞言亦表示未能接受：「對我嚟講冇感情唔可以啜落去，我個螢幕初吻仲Keep住，冇諗過獻出，再加上有潔癖，都係唔好喇！」
提到有指馬浚偉返無綫娘家當訓練班校長，他坦言高層樂易玲於2個月前，邀請他任新一屆藝員訓練班校長，及後也有與無綫副總經理曾志偉傾談內容，他說：「其實我係合約形式身份管理同設計課程，到時我都會教一部分，亦邀請啲專業人士嚟分享。樂小姐今朝話我知，今屆訓練班有過千人報名，嚟緊會做篩選，下個月尾就會展開為期3個月嘅課程。」
來源 source: http://hk.on.cc
|
鍾意就快D Share啦！
|
|
|
