2021年4月2日星期五

《讀心叛變》黛絲烈尼突現身冇女星球湯賀蘭奮力保護惹殺身之禍

湯賀蘭喺冇女星球突然發現黛絲烈尼嚇親仲叫佢唔好行埋嚟。

《讀心叛變》改編自Patrick Ness的同名暢銷得獎小說三部曲，由《叛諜追擊》（The Bourne Identity）及《異空戰士》（Edge of Tomorrow）導演德格里文（Doug Liman）領軍執導，揭開「噪聲」背後的幕大陰謀！

托特（湯賀蘭飾）住喺充斥「噪聲」的神秘星球，旁人可以完全讀到男人嘅想法，唔止聽到仲睇到，而全星球一個女人都冇，理應相安無事。有日突然有飛行物墮落星球，少女卉娜（黛絲烈尼飾）死過翻生，托特一見到佢好驚訝，因為完全打破咗佢嘅認知，佢見到一個女人，同時亦係唯一冇噪聲嘅人。

卉娜嘅出現令佢生命受到威脅，托特決心要保護佢，仲唔覺意誘發佢嘅內在潛能，同時又意外捲入星球嘅暗黑秘密，生死之戰一觸即發！電影集動作、冒險、懸疑於一身，末日科幻設定配合電腦特效展現角色的內心「噪聲」，再加上刺激震撼的槍戰、飛車以及冒險逃生場面，新聞稿話肯定係今年唔可以錯過嘅荷里活猛片，係吸引嘅。

電影將於4月29日在港上映。