【港男日記】有女朋友肯煮嘢俾你食，你真係要識得感恩同稱讚佢啊。不過有一位網友可能唔識得掌握火候，讚得太入肉，搞到自己捉曬蟲！到底發生咩事呢？
撰文：Andy｜圖片：《愛回家》、《情迷黑森林》、香港討論區 截圖｜編輯：海月
女友整麵包整上癮 男友為清曬麵包被同事笑窮困
近日，有位港男喺香港討論區大呻自己女友嘅瘋狂行經，搞到佢喺同時面前好尷尬。事源女友於肺炎疫情期間學整麵包，港男見佢整得咁辛苦，食落都幾好味道，就讚讚自己女友。自此就出事喇！
稱讚女友令自己捉蟲 男友一日三餐都食麵包
自從港男大讚女友麵包整得好食之後，佢女友甜上心頭，所有自信心都翻曬來。佢開始幾乎日日都整麵包，巴打港男見到咁多麵包，心知不妙。果然，女友同佢講係特意整俾佢食，要佢好好食曬。搞到巴打港男宜家「拎住五六條麵包企咗係度」。
為咗喺麵包變壞前食曬佢哋，巴打「早午晚三要清一條麵包，所以呢期餐餐都麵包+清水做一餐」。同事見到咁嘅情況自然會誤會佢係經濟有問題，就問佢係咪未出糧冇錢食飯，仲有好心同事問佢需唔需要借錢。巴打坦言日日食麵洗少咗錢，不過實在口寡難頂。
網民建議佢自行加菜 芝士火腿配麵包
網民就提議巴打要小心，佢留言話日日食麵包加清水會傷腸胃。亦有網民提議如果怕太「寡」，可以自己買料加送，例如芝士加火腿。不過亦有網民建議唔好自己食曬所有麵包，可以將多餘嘅麵包送俾同事或者其他人。
來源 source: http://www.nmplus.hk
|
鍾意就快D Share啦！
|
|
|
