【血月2021／血月／超級滿月／超級血月／月全食／月食2021】錯過再等12年！超級血月＋月全食今晚現身！最佳觀賞地點＋時間、內有直播連結、唔出街一樣睇得到！

【血月2021／血月／超級滿月／超級血月／月全食／月食2021】今日（5月26日）有超特別天象「血月」可觀賞，而且更加埋「月全食」及全年最大的「超級滿 ...

【血月2021／血月／超級滿月／超級血月／月全食／月食2021】今日（5月26日）有超特別天象「血月」可觀賞，而且更加埋「月全食」及全年最大的「超級滿月」，如果錯過今次，就要等足12年才再有機會看到月全食喇！想知最佳觀賞時間+地點，就要即刻睇下喇！

撰文：海月｜圖片：天文台

咩係「超級血月」？

闊別港人24年嘅「超級血月」今晚（5月26日）終於重臨香港，因為月球運行至完全進入地球本影範圍，入黑嘅地面就會睇到「月全食」。而「月全食」期間月光並唔會完全消失，而係變成暗紅色，因為太陽光中「藍色波段」進入地球大氣層時被散射，而剩餘嘅「紅色波段」就再被折射到月球上，形成「血月」。



雖然「月全食」通常每隔數年就可以在港觀賞，不過連埋「超級滿月」就非常少見，由於月球圍繞地球公轉軌道係橢圓形，月球距離地球時遠時近，若月球距離地球最近一刻剛好係滿月，就稱為「超級滿月」，月亮睇起來較平時大14%，兩者同時發生就變成「超級血月」！



月全食＋超級血月最佳觀賞時間

天文台表示，今次「月全食」+2021年最大「超級滿月」變成嘅「超級血月」，會喺今晚5月26日晚上7時9分開始，至下午7時28分結束。



超級血月月全食過程

6：56 pm 月出

7：11 pm 食既

7：19 pm 食甚

7：26 pm 生光

8：52 pm 復圓

9：50 pm 半影食終

因為今次超級血月月全食貼近地平線、海平面，仰角低亦易被雲掩，所以最好喺無遮擋位置，面向東南方更易欣賞。太空館建議可以面向東南面，到視野廣闊和開揚地方欣賞「超級血月」，例如杏花邨海濱、屯門海濱、大埔海濱、黃埔海濱或石澳、鯉魚門等地都適合。屆時只需用肉眼已經足夠，如果有雙筒望遠鏡就更清楚。市民亦可透過香港天文台、香港太空館、嗇色園主辦可觀自然教育中心暨天文館及保良局顏寶鈴書院的聯合網上直播觀賞是次月食過程。



來源 source: http://www.nmplus.hk

鍾意就快D Share啦！

下一篇 》