羅家英與汪明荃恩愛多年，到達神交境界！
疫情陰霾籠罩各地，馬來西亞更於3月中宣布封國，當時在吉隆坡為網劇《女法醫JD》開工的羅家英，身在「疫境」人心惶惶，《女》劇亦因而停工，急急返港的家英哥甫落機便向老婆汪明荃報平安，並留在家中接受14日家居隔離。
雖然要「坐監」，但羅家英坦言隔離生活又非想像般慘情，皆因老婆汪明荃安排他在大屋二樓、擁有獨立廁所的客房活動，閒時睇波、睇書或跟學生網上操曲，而且日日有「阿姐靚湯」飲，更有花膠及鮑魚歎，又為他炮製「情趣火鍋」，膳食有讚冇彈！
兩人相愛32年、結婚11年一直恩愛，羅家英家中抗疫期間，老婆一直陪伴左右。問隔離兩星期零接觸冇得攬攬？他竟自爆閨房事：「我哋兩年都冇」
及後即拉着汪明荃的手「補鑊」說：「好握吓手好喇！唔好接觸咁多，呢排疫情嚴峻啊！」但汪明荃即刻噴酒精搓手液，笑言要注重衞生，大耍花槍。
來源 source: http://hk.on.cc
|
鍾意就快D Share啦！
|
|
|
