歌手黎瑞恩晚上在社交網甫長文，細數自己的病歷，她透露早前因胃部不適，擔心患上幽門螺旋菌或腸生息肉，做了一次全身檢查後，報告顯示正常，卻意外地發現胰臟生瘤，她說：「唯獨是見到胰臟有啲陰影，最後再作詳細檢查後發現胰臟真係有兩個瘤，醫生話：『好難先睇到㗎！通常末期先畀你睇到㗎！不過暫時都係良性。』醫生話因為一個喺頭、一個喺尾，要切嘅話，喺頭嗰個黐住其他器官，所以每個器官都要切三分一。」因無藥可食，每6個月要照CT，她認為照得多，可能冇事都變有事，最後，她作了一個好大決定：「我選擇對呢兩粒嘢不聞不問，總之每日就當『過一日、賺一日』開心就得」
早前她突然肚痛又發燒，以為自己「時間都差唔多」但醫生竟然表示胰臟兩粒瘤唔見咗，只是腸胃炎導致腸抽筋，小恩子開心地說：「原來唔好諗埋咁多無謂嘢及負面嘢，真係可以醫病㗎！所以我想同大家分享我嘅諗法，希望無論患咩病嘅朋友，大家唔好絕望，放鬆及樂觀，凡事都有可能。」揚言開心到要開香檳慶祝。
來源 source: http://hk.on.cc
|
鍾意就快D Share啦！
|
|
|
