張頴康再做老竇！
和太太麥雅緻育有一子一女的藝人張頴康，今晚（21日）在網上報喜，宣布太太有孕，並網晒太太最新孕照。相中張頴康和麥雅緻偕同一對子女「小豆」及「小花生」合照，而身穿白裙的麥雅緻則拿着超聲波照，打造一家五口的全家福。
未有透露BB性別的張頴康，以「終於都講得嘞！」來表達箇中興奮，他留言：「我老婆成日都話，睇住小豆小花生BB嗰陣嘅相，就好掛住佢哋BB嘅時候！雖然照顧佢哋係好辛苦，但係每日見住佢哋又覺得好滿足！其實我都有同一種感覺！既然時間唔可以返轉頭，咁就重新再經歷多一次」
身為愛妻號的他更發表愛的宣言：「老婆，嚟緊日子辛苦你嘞！其他粗重嘢等我嚟做我愛你！」最爆笑的，他指幼子「小花生」對於將升呢做哥哥，竟然話「冇眼睇」：「小豆再做家姐，好似好有經驗，所以比較冷靜！而小花生對於自己第一次做哥哥，就表示…『我冇眼睇！』」有圖有真相，相中的「小花生」的確以手遮眼來表達「升呢」心情！
來源 source: http://hk.on.cc
|
鍾意就快D Share啦！
|
|
|
