林作被Cut卡冇人養 裕美每月「供養」五位數唔怕被家暴
裕美昨晚參與網上音樂會，她透露不會唱經典洗腦歌《搭錯車》：「有一年未表演過唱歌，不過今晚（昨晚）只會唱《雪映移城》。」講到男友林作的歌聲，她即笑道：「佢五音不全，歌聲又似細路！我成日嫌佢乸型唔夠Man，不過勝在有才華，同埋有安全感。」
林作日前打首場業餘拳賽，預備9月的「林鍾一戰」，最後以一分之差輸給19歲拳手黃明隽。裕美搞笑表示：「佢頸部同手臂拉傷，但唔會肉痛，因為我自己都想打佢！」她亦不怕林作會拳王上身家暴自己，「佢試吓打我呀！我實打死佢！林作都話唔敢撩交打，因為我養緊佢呀！」
裕美大爆目前收入比林作高幾倍：「拍拖之後林作媽咪Cut咗佢啲信用卡，佢冇人養，通常出街都係我畀錢。有時係佢畀，不過佢會問我拎返錢，好孤寒㗎！（每月畀幾多零用錢林作？）都有5位數字！不過佢有幫我間珠寶網店做簡單法律諮詢，當投資囉，或者將來喺佢身上掠一筆呢，哈哈！」她又笑指林作的性格是遺傳自林媽媽：「佢媽咪會用幾百萬買名牌手袋，但搭的士找少兩蚊都要攞返，可能啲錢都係積少成多！」
來源 source: http://hd.stheadline.com
|
鍾意就快D Share啦！
|
|
|
