宣萱今天以大使身份於中環出席醫務所活動，目前未有工開的她透露將開拍電影，並有廣告拍攝，最近趁着空閒，便在家中進行斷捨離執屋，她說：「每次都會扔3個垃圾袋，唔知點解屋企會儲咗3棟外賣盒，仲要變黃咗，可能工人姐姐唔捨得扔，仲儲咗好多玻璃樽。我仲未執到衫，執衫同鞋就真係好難，她說：「屋企最少有過百對鞋，有啲只係着咗兩次，試過幾次着着吓個踭裂咗，我連以前台慶晚裝都仲喺度，知道唔會再着，但諗住攞返出嚟可以睇返，睇返以前可以着23腰，點解咁幼之前都着得落，而家就唔好提幾多吋嘞，而家唔開工就可以休息吓，不過遲啲一開工就會瘦返。」
宣萱表示疫情下做了很多以前沒有時間做的事，問到可有男生約會？她說：「冇啦，有都唔去，呢年幾我都冇出街食飯，唔係驚自己中，而係驚同場有人有事我就要隔離。」是否推了很多約會？她笑說：「唔係啦，有人話介紹畀我，我都話唔使，而家係重整個人，同埋賺錢唔係太重要，只需要基本生活。搵另一半隨緣啦，呢啲迫到埋嚟都擋唔住。」
-----------------------------
蘋果App大升級 更簡潔更就手！了解更多（立即下載體驗）
來源 source: http://hk.appledaily.com
|
鍾意就快D Share啦！
|
|
|
