47歲的前TVB女星姚樂怡，12年下嫁圈外生意人吳俊匡，誔下囡囡吳芊憧(Gaibe），便開始淡出幕前，專心相夫教女。離開TVB後，姚樂怡曾經轉行做公關工作，現仍不時在社交平台分享近況。不過，最近就有網民發現，她的近照驚變「蛇精面」，加上一對眼，大得完全不合比例，相信是濾鏡太重手所致。
日前《壹仔》終於見到姚樂怡真身，無濾鏡之下，樣子自然得多。雖然戴住囗罩，但她似乎冇乜走樣，依然省鏡！當日她湊住囡囡Gaibe，到了一個兒童工作坊畫畫、整曲奇。為了女兒，以往行性感路線的姚樂怡，放低事業，甘心做平凡良母。
曾被老前輩抽水
曾被老前輩抽水
模特兒出身的姚樂怡，98年加入TVB，同梁雪湄、汪琳、任港秀等人，組成「電波少女」。憑住34C驕人身材，當時更被封為90年代宅男性感女神。前年，她接受訪問時，大爆當年拍劇試過被老前輩「抽水」，忍唔住反擊暗寸對方：「你又body check呀？」，成功令對方知難而退。在TVB演過不少角色，包括《陀槍師姐》的「五福」、《十月初五的月光》的「依文」。直至08年，姚樂怡約滿之後，轉行做經理人同公關工作。12年，嫁人做少奶奶。她曾經講過囡囡Gaibe好黐身，搞到姚樂怡連旅行都唔敢去，幾乎所有時間都畀晒個女。- 姚樂怡憑住34 C的驕人身材，當年被封為90年代宅男性感女神。
- 98年加入TVB，姚樂怡同梁雪湄等人，組成「電波少女」。
- 在TVB演過不少經典角色，包括《十月初五的月光》的「依文」。
- 12年，姚樂怡下嫁圈外生意人吳俊匡做少奶奶。
- 最近就有網民發現，姚樂怡的近照驚變「蛇精面」，相信是濾鏡太重手所致。
單拖湊女
單拖湊女
日前姚樂怡又做廿四孝媽咪，陪住囡囡去兒童工作坊。為了訓練Gaibe的專注力，姚樂怡時不時都會帶囡囡去做手工。當日她先畫畫，然後再學整曲奇。姚樂怡更全程擔任攝影師，幫阿女影相、拍片。離開時，姚樂怡一手拖住Gaibe，另一隻手又要拎住囡囡製成品，之後再做埋司機，認真十項全能！- 曾經講過囡囡Gaibe好黐身，姚樂怡幾乎所有時間都俾晒個女，甘心放低事業，做平凡良母。
- 日前姚樂怡做廿四孝媽咪，陪住囡囡去兒童工作坊畫畫同整曲奇。
- 雖然戴住囗罩，但姚樂怡冇乜走樣，依然省鏡。
- 姚樂怡更全程充當攝影師，幫阿女影相、拍片。
- 離開時，姚樂怡一手拖住Gaibe，另一隻手又要拎住囡囡製成品。
同老公分隔兩地
同老公分隔兩地
老公長期在內地工作，照顧囡囡重任自然交畀姚樂怡。疫情爆發之前，老公每星期都會返屋企一次，但近一年就要幾個月先返香港一次，兩公婆長期分隔兩地。早前姚樂怡擔任節目《日日媽媽聲》嘉賓，大爆同老公曾經失聯。她說：「有一次約好咗老公第二日早上幫佢轉賬，點知成朝都搵唔到佢，完全失咗蹤，搞到我好擔心，最後要勞煩老公啲同事，搵開鎖佬開門，先知原來老公食咗安眠藥，所以『大昏迷』。」最後她亦講到冋老公結婚9年，要維繫婚姻最重要靠一個「忍」字。現分隔兩地，反而會更加珍惜對方，連鬧交次數都大大減少。- 早前姚樂怡擔任節目《日日媽媽聲》嘉賓，大爆同老公曾經失聯。
----------------------------
守住香港新聞自由 加入「和你撐壹週刊計劃」
按此了解更多
（海外用戶請按此）
來源 source: http://nextplus.nextmedia.com
|
鍾意就快D Share啦！
|
|
|
