無綫歌唱比賽《聲夢傳奇》參賽者炎明熹、鍾柔美、林智樂到主題公園出席活動獻唱搵真銀，兩女受訪時均說因本身有一定表演經驗，見慣場面，面對觀眾也不會緊張。
講到炎明熹13歲時的唱歌片段近期翻Hit，網民大讚現時形象型格的她當年清純又可愛，她笑說：「嗰陣可能着衫清純少少，竟然係可愛路線！（接受唔到？）唔係，有啲意想不到啫。（以前清純定依家個形象多人鍾意？）我諗每個階段都會有唔同人鍾意嘅，所以都冇諗。」鍾柔美則說：「之前佢未剪呢個髮型嘅時候，我覺得佢好清純，但識落就覺得佢好癲，當然都好nice。」
講到炎明熹被揭是藝名，其原名是王佳恩，問到藝名可有含意？她說：「係呀，以前個名比較普通，自己想向唱歌發展，唱歌老師幫我搵咗個師傅幫我改名，話我欠火，所以改咗呢個名。（改名後順利咗？）我覺得有嘅，心理上都有幫助。」
來源 source: http://hk.on.cc
|
鍾意就快D Share啦！
|
|
|
