2021年7月2日星期五

【爭一口氣】「不忿」被指消失的小鳥盛勁為「裝假狗」變返巨鵰

盛勁為為自己爭番口氣，為咗唔想唔輸畀孔德賢，不惜造假。

前機師盛勁為(Keith)與孔德賢參加TVB《明星運動會》游泳項目50米自由式及4乘50米接力賽，盛勁為着住條細碼三角泳褲，激「凸」程度明顯唔及孔德賢，孔德賢着嗰條湖水藍緊身短泳褲，貼到連「巨鵰」都「凸」晒出嚟，搞到31歲猛男Keith相形見拙，仲被取笑係消失的「小鳥」！

昨晚Keith上載咗張同款三角泳褲，但角度唔同嘅相，相中見他巨咗好多！他「不甘不弱」留言叫大家睇清楚：「消失鳥？而(𠵱)家係復活的鳥，記得放大張相黎(嚟)睇清楚！」最後還抵死附加說明#而(𠵱)家知我咩料啦#我點會介意#好大對襪#角度問題。網民以為他真係觸及男人最痛會好介意，好言相勸：「唔好太介意人哋講乜，由得人哋又唔痛又唔痕！」有網民指他舉動好有趣，笑指今次係Keith嘅小鳥復仇記。

盛勁為接受本報訪問時笑說：「我點會介意呀！咁好玩！咁明顯係塞咗對襪入去喎，不過呢條褲就有啲難睇到，大家笑得開心咪得囉！」