藝人狄易達和麥秋成以導師身份出席無綫真人Show節目《盛・舞者》，狄易達對於被指與前港姐冠軍陳曉華翻撻？他笑笑口否認：「冇呀！都冇約，呢排專注做節目。（個節目做1個月咋喎！）忙緊呢個節目好難約嘅！（即係唔否定會翻撻？）梗係唔會否定。（有機會？）乜都有，依家冇諗咁多，專注享受人生，早上排舞，夜晚打牌！（會唔會好似麥秋成咁突然宣布結婚？）可能都會。」
而新手爸爸麥秋成自言非常論盡，雖然有協助太太湯怡湊女，但手勢卻不及對方：「佢簡直駕輕就熟，可以單手抱起BB，另一隻手揸奶樽。（BB女有冇向你斟茶？）咁佢斯文啲，係向下面，屙落條片度。（見住個女唔捨得返工？）依家日日望住佢個樣，老婆好好，會Send張女相叫我加油，搞到我暈陀陀。」在旁的狄易達取笑麥秋成自成為爸爸後，眼神從此充滿愛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
