資深藝人盧海鵬今日出席仁濟醫院的派福袋活動，他透露以前不時會參加慈善活動，但因疫情令相關活動都要取消。提到最近他跟周潤發一齊跑山，他表示每朝5點起身， ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
資深藝人盧海鵬今日出席仁濟醫院的派福袋活動，他透露以前不時會參加慈善活動，但因疫情令相關活動都要取消。提到最近他跟周潤發一齊跑山，他表示每朝5點起身，6點半等待對方來接他跑山，身體也變好：「個個都跑得唔快，一定係慢跑。（依家天氣好熱喎！）熱冇所謂，一身大汗都無所謂，發仔（周潤發）有教我哋有方法，步伐同呼吸有節奏，起碼跑1個鐘，至少跑3公里，有時跑5公里。」本身有腳患的他稱跑山後連腳痛也治好：「由腳痛跑到無腳痛，發仔仲做埋醫師，幫大家鬆骨。（佢手勢好唔好？）一流，唔好邊個畀佢搞。」對於有網友指行山時遇上周潤發，卻被對方拒絕合照，盧海鵬解釋：「遇到就會打吓招呼，相就唔影，我哋打大赤膊跑步，好似食緊嘢都唔影發仔冇話拒絕，跑緊就唔影，跑完就影。」
另外，盧海鵬快將80歲，問他會否搞大壽？他說：「冇乜慶祝，一班跑友會一齊慶祝，跑完一齊食餐飯，發仔會幫我哋影相，佢收藏唔少靚相機，佢係隨團攝影師。」講到工作，他透露稍後會參演一部以廉政為題材的電影。
