藝人林利今日（6日）在牛頭角為健康產品拍攝廣告，原定下午1時15分接受傳媒探班採訪，但一時許突然傳出林利因身體不適而取消活動。傳媒去到探班活動樓下發現有救護車停泊等候，未幾林利由救護員送上救護車，戴帽的林利坐在救護床上，不發一言，但神情清醒，更低頭睇手機。林利被送上救護車後，在內停留了約10分鐘，相信是接受基本檢查，隨後他由宣傳人員陪同送院。
事後向健康產品工作人員了解事件，工作人員稱林利今早約九時許開工，拍攝了廣告大概3、4小時，拍攝時他尚算精神，拍攝內容亦以清談為主，但去到中午12點半，林利休息期間突然感到身體不舒服，工作人員為安全起見，提議入院檢查。記者追問工作人員林利有甚麼不適？她們表示不清楚，因林利只稱身體不舒服。
而林利方面就以短訊回覆東網，並報平安：「已經檢查完畢，離開了醫院。謝謝關心。」他再接受東網訪問，他說：「今日拍廣告時，身體唔係好舒服，入醫院做檢查，冇咩大礙，已經出咗院，已經冇事喇，大家唔使擔心，我喺度休息緊。可能係好多大壓力加埋，搞到有啲暈！」他續說：「除咗工作，我諗最大影響係壓力，可能我畀自己壓力太大，加上疫情狀態，我又過唔到去台灣見老婆，我又要照顧媽媽，係有啲影響心情，有好多嘢變咗好多壓力，造成咗有啲頭暈，翳住翳住都有，不過依家冇嘢啦，返咗屋企休息，個廣告拍咗一半，搵一日再拍埋。」
林利慨嘆有相思病：「係有好多問題，夫妻最重要係相處，但我哋結婚兩年，加埋都見唔到3個月，嗰個辛苦我真係想喊，就好似佢之前入醫院開刀做手術，我探唔到佢，又幫唔到佢，嗰邊屋企嘅嘢，我冇辦法協助佢，講真心理壓力好大。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
