歌手鄭欣宜與「好兄弟」許廷鏗獲邀擔任代言人，以結婚新人姿態於記者會上亮相，更搞笑叫外賣「宴客」，許廷鏗笑言：「估唔到個客咁夠膽用呢條橋！」談到現實中理想的婚宴，欣宜爽快表示相信自己會閃婚：「搵啱就結，唔會搞咁多嘢。（近排有冇人追？）點只近排？好多㗎，叫許廷鏗借埋手指同腳趾畀我數，哈哈！」許廷鏗則表示：「我覺得他朝結婚，我都會用好多時間去計劃囉。」
席間，許廷鏗又大爆因口味不同，與欣宜約食飯發生爭執，豈料被欣宜詐型：「仲好講，我5月生日佢約我食飯，我畀期佢又已讀不回，依家排期仲要等到兩個星期後，約足兩個月。」許廷鏗即「駁咀」：「想約你正日，係你話要Me Time，轉頭又見你同朋友食飯喎！」
提到林峯加入華納唱片做一哥，作為「前華納一哥」許廷鏗透過助手大方表示：「我哋OK呀，好開心佢加入呢個大家庭。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
