2021年8月11日星期三

【11歲聽TWINS】童年回憶返晒嚟陳凱琳港鐵月台又唱又跳《下一站天后》 #陳凱琳

【11歲聽TWINS】童年回憶返晒嚟陳凱琳港鐵月台又唱又跳《下一站天后》

鄭太唔知係咪湊仔湊到好悶呢?

陳凱琳（Grace）自18年初客串TVB劇《包青天再起風雲》後便嫁畀鄭嘉穎，先後為老公誕下大仔鄭承悅（Rafael）及細仔鄭承亮（Yannick），表演慾超強嘅佢冇得拍劇只能專心經營社交平台做KOL。繼日前貼出喺屋企用APP玩變身後，今日又大Show幼嫩歌藝。

鄭太今日將舞台由屋企搬到天后港鐵站，身穿黑色透視短裙、紥馬尾嘅佢喺天后站嘅月台上大聲唱出Twins的《下一站天后》，唱歌同時還配上誇張舞蹈，見佢張開手又轉晒圈，旁若無人非常自得其樂。29歲嘅Grace留言：「下一站天后 #童年回憶 #媽媽瘋了」，鄭太講到童年回億，咁就同佢計計數先，《下一站天后》係2003年作品，鄭太就1992年出世，聽呢首歌嗰陣鄭太11歲，又真係童年回憶嘅。