被進擊的娟姐狂問193緋聞 陳海寧：唔好令三萬老婆攻擊我
「Dee姐」的陳海寧在今年年初爆戀上[email protected]，其後更被指以緋聞女友的身份亮相《ERROR自肥企画》，不過兩位當事人未有承認關係。日前陳海寧與黃溢濠齊齊上ViuTV節目《有酒今晚吹》時，被進擊的娟姐追問戀事。事緣因為陳海寧與ERROR的阿Dee撞樣，強尼和娟姐一唱一和地形容陳海寧與ERROR關係千絲萬縷，但她反而覺得阿Dee與自己的爸爸相似，尤其是對眼，娟姐接着說：「呢啲係咪叫夫妻相？」陳海寧一臉無奈地說：「點解兩個人似就係夫妻相！」強尼打蛇隨棍上：「有啲嘢，吹下吹下就係架喇！」
娟姐索性單刀直入地說：「193老婆們託我問你同193係……」未講完，Dee姐已經斬鐵截鐵答:「朋友囉！」不過娟姐明顯唔收貨，繼續追問︰「啲網民好勁，搵啲蛛絲馬跡，點解你影啲相經常高炒到黐線，跟住就話一定係193影，究竟你哋係咪一齊tea，一齊去沙灘？」Dee姐解釋︰「我身高165cm，高過我嘅男仔多的是。」但娟姐咬住唔放:「咁啲相係咪193幫你影？」強尼在旁笑笑口嗌精彩，陳海寧一臉尷尬地說：「我唔想……唔係呀！」
進擊的娟姐又發功︰「咁你同193有冇發展可能？」陳海寧臉露尷尬︰「暫時我哋係朋友。」雖然娟姐一直追問，但陳海寧繼續迴避：「聽日我會唔會死，我都唔知」娟姐︰「咁即係有冇限嘅發展可能，係咪？」此時強尼插咀︰「知唔知娟姐點解問得咁仔細，因為話晒你哋係家屬，佢又係同肥仔傳過緋聞。」避無可避的陳海寧唯有說︰「以我呢個年紀，遇到任何喜歡嘅人，我會好好把握，但你唔需要對號入座……(193係咪其中一個？)唔係呀，求求大家，唔好令三萬老婆攻擊我，無論我遇到任何喜歡嘅人，我都選擇低調。」強尼即插咀︰「但人高好難低調！今日真係好開心，因為發現原來係一個家屬聚會，除咗恭喜，都唔知講咩！」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
