今屆港姐入圍佳麗梁允瑜之前曾流出過一條她拿着一串魚蛋爆粗狂數前度不是的片段，但未影響她成功躋身20強，她受訪時表示有盡力而為，公布一刻感恩及感動，問到之前有否被負面新聞影響？她說：「喺心理方面本身都覺得有啲影響，所以都寄語做錯事嘅年輕人最緊要知錯能改，好似我咁參選港姐都係挑戰自己。（有冇戒講粗口？）我唔會話我戒咗，呢啲嘢都好難戒，不過適當時候講適當說話，如果我畀你聽我唔講，你都唔信（會唔會同佳麗用粗口交流？）老實講真係有，平時喺房入面係私人時間，所以都會發洩吓今日嘅情緒，例如好開心拍完嘢。（到時會唔會忍唔住準決賽時喺台上講粗口？）唔會，我識得控制自己。（有冇戒食魚蛋？）唔會，呢樣會繼續食，真係好鍾意食，依家減肥就食少啲，有做健身減肥，依家個磅數差唔多，唔可以再瘦落去，之前Staycation 10日都瘦咗，何妨3月到依家到瘦咗5公斤。」
另外，今日是其中一位佳麗施茉莉的18歲生日，獲大會送上蛋糕，佳麗們作狀獻吻！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
