天后容祖兒尋晚（17日）率領師弟妹出席內地一個晚會，包括早前爆出撻着失婚名模何穗嘅陳偉霆。祖兒先與許靖韻合唱勁跳郭富城快歌《狂野之城》，之後再獨自表演《Pretty Crazy》，展現天后魅力，炸爆舞台，合共近6分鐘嘅演出零瑕疵超乎完美！祖兒又將靚相上載到社交網，佢着上藍色貼身長裙表演晚裝喺泳池邊影相，似足美人魚，不過搞笑嘅佢就笑言係「美鵝魚」！
而陳偉霆就擔任壓軸嘉賓，係佢爆出戀情後首露面！身穿閃閃低胸長袖衫嘅佢，展現性感男人魅力一面，演唱《My Lady》及首次唱出新歌《Dear Future Lover》，瞬間迷暈粉絲，雖然表演中途發生小意外，被衣服勾住，但淡定拆彈令粉絲大讚舞台反應能力一絕，更留言：「陳偉霆從不讓人失望！」、「不可抵擋的帥！」
另外，演出單位仲有楊千嬅、黃曉明、楊丞琳等，當中千嬅就深情演繹《可惜我是水瓶座》，發揮非常穩定，獲得網民大讚！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
