由李思捷主持及監製的無綫全新遊戲節目《思家大戰》，雖然8月29日晚才正式推出，但未開播前已是非多多，矛頭直指李思捷位居「十大乞人憎藝人排行榜」第三名，回巢無綫實有趕客之嫌！
不過向來玩得的李思捷似乎唔多介意，昨晚（17日）無綫播出《思家大戰》電視及網上官方宣傳片更以無底線自踩方式進行拍攝，將傳聞中的李思捷乞人憎「特質」無限放大，難得的是除了主角李思捷不計形象全面配合，更有黃建東、袁文傑、高海寧、糖妹（黃山怡）擔任「數臭專員」，配以李亦喬（牛雜妹）等傾力演出，相當破格！
電視宣傳片以「傳說娛樂圈有個人渣得罪全行」、「畀人封殺六年，仲唔知醜四圍𢱑撈」為主線，並配以藝人大量負評：「麻煩友咯，成日唔跟稿改劇本」、「最叻抄橋嗰個吖嘛」、「都算寸同樣衰」、「李思捷吖嘛？唔講喇，完！」，透過不同描述，展現思捷如何「不擇手段」重金買下《思家大戰》版權。網上宣傳片則以「前傳」形式播出，內容圍繞思捷與一班幕後開會度橋，期間思捷要求：「重金買番嚟版權係咪應該拍得Grand啲呢？」、「搵高層曾志偉、王祖藍嚟撐一撐都好吖嘛！」但幕後卻獻計以負面字眼「冇料扮四條」、「臭寸」、「抄人」以及群星數臭做噱頭，最終氣得思捷終極反枱喪鬧，片尾更有思捷聲演無綫高層彩蛋。
對於思捷的自我消費式宣傳，網民似乎頗為受落，紛紛留言表示笑爆肚：「正喎，吸引！個個演員都好好戲，誇得嚟又唔OVER。」、「木子田心捷返嚟，又可以笑爆肚。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
