內地綜藝節目《披荊斬棘的哥哥》雖然開播初期發生唔少黑仔事，包括大陸歌手霍尊因醜聞而退出，不過之後都冇影響收視！喺最新一集中，各位「哥哥」都會同住一棟別 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
內地綜藝節目《披荊斬棘的哥哥》雖然開播初期發生唔少黑仔事，包括大陸歌手霍尊因醜聞而退出，不過之後都冇影響收視！喺最新一集中，各位「哥哥」都會同住一棟別墅，呢棟別墅大得誇張，有戶外草坪，可以打籃球、攀石、曬太陽等。別墅底層設有公共活動空間、遊戲娛樂區，廚房、餐廳一應俱全。臥室區分為兩棟，每間房都有單獨的洗手間，裝修設計簡約型格，睇到人都想住埋一份！
而選擇次序都由年紀最大嘅開始先，黃貫中同台灣歌手林志炫先選擇，兩人被謝天華笑言似睇樓，黃貫中就揀入住其中一間4人房，之後「古惑仔」陳小春、謝天華及林曉峰都選擇同一間，張智霖同梁漢文就揀隔籬房同住，被主持胡海泉笑係「大灣區」，而另一香港歌手歐陽靖（MC Jin）見到陳小春嗰間仲有一個位，就揀咗同佢哋一齊瞓，身為「細佬」嘅佢仲話：「有咩清潔呀交畀我！」而言承旭就問梁漢文有冇鼻鼾，得悉冇就話：「那我跟你一起，好不好！」結果只有黃貫中1個歌手遠離「大灣區」，唔通被排斥？當返到房休息時，有家室嘅人都打畀老婆，包括張智霖喺床上講電話，而黃貫中就匿入廁所講，非常避忌！
