2021年8月19日星期四

好天斬埋落雨柴丨郭嘉駿搵到錢時盡量搵：可能聽日就變咗吳亦凡 #吳亦凡

好天斬埋落雨柴丨郭嘉駿搵到錢時盡量搵：可能聽日就變咗吳亦凡

193同古天樂好friend喎！

ERROR成員193(郭嘉駿)早前在IG story上載兩對限量波鞋的照片，向網民徵求購買方法，殊不知被網上作者撰長文稱「明星，唔係咁做的」並謂「藝人搲job見得多，搲鞋第一次見。」結果遭到網民反擊，最後連193都現身留言：「你真係唔識㗎喎」

193今日出席活動，他指當時會發文是想找到買正版波鞋的方法，因為自己試過用炒價買波鞋卻買了翻版：「我而家買到喇，只能講唔係粉絲送，我係用咗成本價去買。（你之前說1個工作都可以買20對波鞋？）啱呀，但公司出糧一向慢，唔知身家有冇暴漲，相信公司幫我接工作嘅價錢係合理，我都有經營自己嘅品牌，用自己嘅方法賺錢，做呢行嘅壽命唔知有幾長，可能聽日就變咗吳亦凡，起伏好大，所以搵到錢時盡量搵。」又說有買樓的想法，更已經儲到首期，但笑言只夠買劏房，他指很開心和古仔再次合作，對方很提攜後輩，給他很多意見，「古生有睇過我哋嘅節目，會話俾我哋知可以點樣改善，點樣繼續發展落去。」講到近日被捲入桃色新聞的隊友保錡，他指對方心情Ok，稍後會一起出席公開活動。