藝人陳約臨喺東奧花癡式採訪「劍神」張家朗，佢失儀行為全城鬧爆！估唔到歷史再度重演，今次輪到吳業坤同周奕瑋出事！
佢哋兩個進行場外採訪，周奕瑋叫停港隊划艇運動員洪詠甄，問到：「可唔可以阻你十秒呀？」洪詠甄表現得好Nice停低受訪，周奕瑋喺度問吳業坤：「乜你唔係有嘢問佢咩？」點知吳業坤糠咗句：「冇呀，你走」周奕瑋冇停口繼續問洪詠甄：「佢想問你鍾意方力申啲歌多啲定佢啲歌多啲？」搞到洪詠甄勁尷尬咁答：「其實我冇聽中文歌！」尷尬嘅唔只得洪詠甄，吳業坤發爛話：「依家你咪得到呢個答案囉！你想我點？我想搵窿捐都搵唔到！」
可能兩人自認為好風趣啦，但網友就唔多Buy，覺得佢哋「呼之則來，揮之則去」嘅態度去對待運動員，完全係侮辱緊運動員！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
