Do姐和偉仔以前曾經在TVB拍過劇做過拍檔，她大爆偉仔年輕時非常喜愛夜蒲，自己一拍完劇就回家睡覺，但他卻一直說「我出去蒲吓先！」偉仔笑言今時不同往日： ...
Do姐和偉仔以前曾經在TVB拍過劇做過拍檔，她大爆偉仔年輕時非常喜愛夜蒲，自己一拍完劇就回家睡覺，但他卻一直說「我出去蒲吓先！」偉仔笑言今時不同往日：「以前係鍾意蒲，但我20幾30年前就無晒夜生活！呢啲係人生經驗來，嗰個年紀係應該要做呢啲嘢！」偉仔坦言現時的他有早睡早起的習慣，又經常自己一個人玩mountain biking、滑水和帆船等水上運動，而且尤其注重飲食平時喜歡食沙律或蕎麥麵，全因背後一段古：「主張健康我最少都有20年喇，因為我自己腸胃特別唔好，好容易食物中毒，開緊工嘅時候人哋唔知我有幾唔舒服，又講唔到畀人哋聽！」他又憶述之前拍《2046》時頂硬上的經歷：「拍緊戲病係好慘，病都要開工，王家衛都有話：『唔得，章子怡今日最後一日，你哋點都要嚟！』所以我發住燒都要繼續開工！」
偉仔表示自己是一個踏不出舒適圈的人，今次接拍Marvel電影令他挑戰更多之前拍文藝片接觸不到的東西：「我呢幾年想做啲同我唔一樣嘅角色，想做下啲複雜啲嘅反派，個mindset（思想）都唔一樣，我都做咗30幾年，係時候要做啲唔一樣嘅嘢。」他直言拍電影中場面壯觀，但其實演員每日都是在廠中的綠幕前靠想像演戲，一拍就要連續拍10小時：「好stressed（大壓力）好frustrated（絕望），每日開工10個鐘，直情令我覺得好似以前喺電視台咁，但又拍得晒嘅，好intense（緊湊），中間冇break同唔放食飯！」不過，他亦大讚劇組效率高，而且安排和組織都很好非常專業，因此拍了四個月就完成所有戲份。
Do姐憶述偉仔以前曾經對自己講過想在36歲退休，但卻一直堅持到現在戲約不斷，現時更挑戰拍荷里活電影，現時的偉仔可是想停下來？「開始嘅時候做演員係好辛苦，但唔係經過咁辛苦就唔會有今日嘅我，長大咗價值觀有唔同，最近10年我個人輕鬆咗，想做咪做！我冇俾一個限制自己一定要拍咩，唔係冇諗住退休，但攰咪抖下囉，如果有好有興趣嘅嘢就做！」
梁朝偉早前在人工滑浪場滑浪。（劉嘉玲IG）
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
同場加映：
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
尚氣｜外媒給予梁朝偉至高無上評價：超級英雄電影史上最佳演出
![]()
![]()
![]()
![]()
![]()
![]()
![]()
![]()
![]()
