藝人金剛與女友小嫻（黃瑜嫻）「夫妻檔」拍住上，由主持界跨足飲食業，喺街頭擺檔賣雞翼，又喺網上售賣，雖然生意相當唔錯，但都惹來網民批40元新台幣（約11.3港元）一隻太貴！日前，兩人就開直播講辛酸史，仲講到喊添！
佢哋先多謝大家支持，之後透露曾經因為發現品質唔好要丟棄過600隻雞翼，又要每日喺高溫40度嘅廚房工作至少3小時，內褲濕完又乾、乾完又濕，全部都係自己煮、自己包裝。而食材全部都係天然食材，堅持唔用加工化學食品。
對於有人認為雞翼賣太貴，金剛直言：「其實背後太多辛苦的東西，我們都沒有講，不喜歡我們的人可能覺得『怎樣，一點苦都不能吃嗎』。」更激動得哽咽流下男兒淚，而小嫻都忍唔住一齊喊，表示明白做餐飲業嘅辛苦，並感謝大家批評指教：「都沒有關係，有批評才有進步」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
