無綫藝人陳婉衡與好姊妹簡淑兒，早前宣布與一名藍帶廚師合作推出「威靈頓牛扒」特色月餅，以月餅皮包住牛柳，中西合璧又創新。點知近日有指產品涉嫌抄襲，兩人已退出售賣月餅計劃。有網民發現原來早已有一名飲食界網紅推出類似產品，當時於社交網詳盡分享研製過程，並透露用咗1年時間才成功研發，今年7月已推出產品，比佢哋早足1個幾月面世。
簡淑兒表示與陳婉衡構思特色月餅時，坦言唔知市場有類似產品，得悉後即決定退出，二人社交網已將相關貼文刪除。
陳婉衡接受東網訪問說：「當初我哋想推出牛柳月餅嘅時候，係未見到市面上有呢個Concept。到我哋發現市面上已經推出了有一款牛柳月餅嘅時候，雖然材料同做法唔同，但係我哋都決定Pull out，唔再繼續參與落去，因為已經唔係我哋一開始嘅原意。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
