無綫劇集《七公主》尋晚（11號）大結局，播出以來大受歡迎，劇情以搞笑、騎呢又帶溫情演繹，輕鬆小品深得觀眾追看。當中梗係唔少得7位「公主」嘅造型，由之前高海寧嘅美少女戰士Cosplay，到林夏薇露股全裸演出，已經睇到觀眾大飽眼福。
而大結局結尾嘅彩蛋，「七公主」突然大玩變身，以超爆叛逆造型亮相，似足DC「小丑女」外傳《猛禽暴隊：解瘋小丑女》Feel，個個仲拎住機關槍對住班男角狂射，仲自封《七擒七縱七公主》，玩味極重！
一眾演員都有喺社交網上載造型照，林夏薇留言：「大結局送個馬甲線。」佢早前受訪時曾透露為咗呢短短數秒嘅鏡頭，竟操咗兩星期馬甲線，每晚無論多晚放工回家，都會至少操練一小時讓自己大結局能以最佳狀態登場，專業精神令人佩服。高海寧則發文：「估我哋唔到呢。」並謂為了該造型保密了很久。至於鄺潔楹就大晒造型上妝過程，可見充滿心機。問到監製陳維冠（Joe）每位公主造型到底需時多久，他透露：「每個人造型2.5小時。」對於網民猜測彩蛋造型出自何處，Joe笑言：「冇㗎，只係想要型同爆，最緊要觀眾睇得開心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
