2009年香港先生少年組冠軍陳偉洪（Calvin）與無綫完約後不再續約，他早前接受東網訪問談論近況：「依家自己傾工作、教健身同持續進修。（邊類課程？）讀完運動醫學處方課程，pass咗，有時間會讀營養學。」
於無綫超過10年，問到最大得着？Calvin笑言：「就係捱得同自律，初出道基本上套套劇都有機會參與，試過48小時不停拍，拍完通宵接第二朝外景，之後再夜晚廠景，好精彩！服裝姐姐會好惡叫我哋換完衫擺好自己啲嘢，換完就落車，咁當時大家未熟，熟咗就梗係唔惡啦哈哈，不過就因為咁學識自律。」
他感謝多位前輩多年來對他的教導：「羅樂林、昌哥李成昌、劉江劉老師等等，但要數最深刻就係拍《依家有喜》，同安哥（郭晉安）唯一一次合作，佢話演戲要有過程，過程兩個字聽落簡單，但其實好多嘢喺裏面，呢樣嘢我到依家都學習緊！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
