一代笑匠周星馳（星爺）自導自演嘅電影《長江七號》，喺2008上映嗰陣除咗票房大賣之外，佢搵小朋友女扮男裝成功製造唔少話題，大家最有印象反串嘅係徐嬌，而小惡霸「陳俊生」其實都係由女仔反串演出嘅，佢個名叫黃蕾，當年佢皮膚比較黑，髮線仲好高，望落似足男仔！
不知不覺已事隔13年，徐嬌同黃蕾都大個女啦，正所謂「女大十八變」，依家24歲嘅黃蕾留咗一頭長髮，眼大大鼻高高，少女味濃，同以前細個個樣簡直係差天共地，令到網民都感到相當驚訝，仲大讚佢長大之後比徐嬌仲靚女，而有網民就話黃蕾同徐嬌長大之後都係靚女，大讚星爺認真有眼光添！睇番資料原來黃蕾係「舞林高手」，曾獲跳舞比賽冠軍，但係佢喺2010年為《長江七號》動畫版配音後，就幾乎冇再喺圈中出現過
本文作轉載及備份之用 來源 source: http://hk.on.cc
|
鍾意就快D Share啦！
|
|
|
