炎明熹新歌明天上架 高晨維：等Gigi帶我去見識人生美境
TVB歌唱節目《聲夢傳奇》的三料冠軍得主炎明熹（Gigi），她的第一首單曲《真話的清高》將於明天（20日）正式上架，MV亦於同日晚上9點首播，fans當然熱切期待，身為Gigi歌唱老師的高晨維一直對她寵愛有加，眼見愛徒推出單曲，高老師當然感觸萬分。在新歌的推出前夕，高老師在社交平台留言分享與Gigi的相處軼事。
高老師說：「自細成日聽我媽媽同其他人講：『我啲金銀珠寶留俾個女都無用架，我個女好清高嘅，佢望都唔會望一眼！』所以一直，我都唔明白到底『清高』呢個詞語係褒義詞定係貶義詞。收到呢份歌詞嘅第一刻，我就問Gigi：『咦！ 個歌名你有冇諗起啲咩呀？』佢秒答我：『係咪諗起一個蛋糕名？』跟住我哋一齊講：『扮清糕！』 無聊的我們，就是有著這條無聊默契筋！」
她更回想起3年前帶Gigi去專業錄音室錄音的情景：「將咁多年嚟嘅專業錄音技巧傳授俾佢，以及等佢學習適應錄音環境及壓力，努力學習認識自己的聲音，發掘更多更多可能性等～三年後陪住Gigi又踏入錄音室，正式灌錄自己新歌。16歲的年華，不遲也不早，我哋話呀，走到現在，每一步都係賺咗，好好享受就是！」最後她還說：「好多時，好多努力喺成功前都不值一提，甚至經過幾多被懷疑、被誤解、被誣蔑；多謝呢一對姑姪由始至終都信任我提議的每一步，就係咁跟著走著走著，就走到現在。將來，等Gigi帶返我去見識更多我未見過的人生美境。9月20日，正式上架！」
有網民留言多謝高老師對Gigi的教導：「其實無名無分，不過睇完篇文又好想同高老師道謝。謝謝您！」、「非常感謝高老師對Gigi 的教導及愛護！Gigi 對你感激之情已非筆墨的形容！我們等著兩位師徒攜手開演唱會！成為一代傳奇！永遠支持你們！ 加油！」、「老師，謝謝你一直對Gigi的教導、栽培和支持，對她一直不離不棄！加油！」另一方面，音樂總監嚴勵行（Johnny Yim）日前在IG貼上一張Gigi與Aska張馳豪的合照，Johnny留言說：「Ka哥寫歌教唱歌哎呀哎呀。」似乎兩人將有合作，未知今次又會是一首甚麼類的一首歌呢？
|
鍾意就快D Share啦！
|
|
|
